Narkotiklərin qanunsuz dövriyyəsində şübhəli bilinən şəxs Nəsimi rayonu ərazisində saxlanılıb
Bakı, 23 avqust, AZƏRTAC
Narkotiklərin qanunsuz dövriyyəsində şübhəli bilinən E.Məmmədzadə Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbirləri nəticəsində Nəsimi rayonu ərazisində saxlanılıb.
Daxili İşlər Nazirliyinin mətbuat xidmətindən AZƏRTAC-a bildirilib ki, axtarış zamanı ondan 14,5 qrama yaxın heroin, 8 qramdan artıq metamfetamin aşkarlanıb. Davam etdirilən tədbirlərlə onun yaşadığı ünvana baxış zamanı oradan 270 qram heroin, 360 qram marixuana, 240 qram metamfetamin və 1 ədəd elektron tərəzi aşkar olunaraq götürülüb.
Faktla bağlı araşdırma aparılır.
Bölmənin digər xəbərləri
