NAXÇIVAN-İĞDIR-TUZLUCA AVTOMOBİL YOLU BU İLİN SONUNADƏK İSTİFADƏYƏ VERİLƏCƏKDİR
AZƏRTAC-ın xüsusi müxbiri xəbər verir ki, Türkiyənin nəqliyyat naziri Binəli Yıldırım Bakı-Tbilisi-Qars dəmiryolunun Türkiyə hissəsinin açılışından sonra İğdır vilayətində keçirdiyi görüşdə 129 kilometrlik Naxçıvan-İğdır-Tuzluca avtomobil yolunun bu ilin sonunadək istifadəyə veriləcəyini bildirmişdir.
İğdır vilayətinin Naxçıvana açılan bir qapı olduğunu qeyd edən Binəli Yıldırım onu da əlavə etmişdir ki, yaxın gələcəkdə Naxçıvan, Qars və İğdırı bir-birinə bağlayacaq dəmiryolu xətti də çəkiləcəkdir. Bu dəmiryolu vasitəsilə İrandan da yüklərin daşınması həyata keçiriləcəkdir. Bütün bu yollar regional inkişafa təkan verəcəkdir.
Binəli Yıldırım hələ 1997-ci ildə təməli qoyulmuş İğdır hava limanının maliyə problemləri üzündən inşa edilə bilmədiyini xatırlatmış, bu mühüm obyektin tikintisinə gələn il başlanacağını və 2010-cu ildə istifadəyə veriləcəyini demişdir.
Bölmənin digər xəbərləri
