NAXÇIVANDA “NAXTEL” SİMSİZ RABİTƏ ŞƏBƏKƏSİNİN YENİ SERVİS XİDMƏTİ İSTİFADƏYƏ VERİLMİŞDİR
Rabitə və İnformasiya Texnologiyaları Nazirliyindən AZƏRTAC-a bildirmişlər ki, Naxçıvan Muxtar Respublikasında fəaliyyət göstərən “Naxtel” simsiz rabitə şəbəkəsinin yeni servis xidməti istifadəyə verilmişdir.
Bu xidmət vasitəsilə telefonların borca görə bağlanması və borc ödənildikdən sonra açılması avtomatlaşdırılmış şəkildə həyata keçiriləcəkdir. Yeni serverin istifadəyə verilməsi həm simsiz “Naxtel”, həm də simli telefonların abonentlərinə 24 saat ərzində telefon borcları haqqında məlumat almaq imkanı verir.
Muxtar respublika ərazisində СDMA texnologiyasına əsaslanan “Naxtel” simsiz rabitə sistemi 2006-cı ilin martda istifadəyə verilmişdir. Hazırda “Naxtel”in 4000-dən artıq istifadəçisi vardır.
Bölmənin digər xəbərləri
