NEFT MƏHSULLARININ İXRACI UĞURLA DAVAM EDİR

13.11.2006 [01:10]
Çap et
A⁺ A^-

Azərbaycan Respublikası Dövlət Neft Şirkətindən (ARDNŞ) AZƏRTAC-a bildirmişlər ki, ARDNŞ-ın Marketinq və İqtisadi Əməliyyatlar İdarəsi oktyabr ayında Novorossiysk terminalından 239 min 909 ton, ötən 10 ayda isə ümumən 942 min ton neft ixrac etmişdir.

Digər marşrutlar ilə neft ixracı oktyabrda 164 min 709 ton, ilin əvvəlindən isə 2 milyon 503 min 857 ton təşkil etmişdir.

Yanvar-oktyabr aylarında 1 milyon 177 min 990 ton dizel yanacağı, 785 min 191 ton soba mazutu, 273 min 485 ton avtomobil benzini, 186 min 471 ton təyyarə yanacağı, 29 min 965 ton birbaşa qovulmuş benzin, 36 min 390 ton sürtgü yağları, 14 min 362 ton neft bitumu satılmışdır. Ən baha satılan neft məhsulu təyyarə yanacağı ( tonu 574,52 dollara) olmuşdur. Dizel yanacağının bir tonu 539,97 dollara, avtomobil benzini 506,64 dollara, mazut isə 270,32 dollara satılmışdır.

Oktyabr ayında ''Brent'' markalı xam neftin 1 barrelinin orta qiyməti 57,80 dollar, ''Urals'' markalı neftin qiyməti isə 55,68 dollar təşkil etmişdir.

NEFT MƏHSULLARININ İXRACI UĞURLA DAVAM EDİR

MÜƏLLİFLƏ ƏLAQƏ

Bölmənin digər xəbərləri