“Neftçi” komandası “İnter”ə qalib gəlib
Bakı, 9 fevral, AZƏRTAC
Fevralın 9-da futbol üzrə Azərbaycan Premyer Liqasının XVII turuna yekun vurulub.
AZƏRTAC xəbər verir ki, turun sonuncu görüşü Bakıda “İnter” və “Neftçi” komandaları arasında keçirilib. Gərgin idman mübarizəsi şəraitində keçən görüş “Neftçi”nin 3:1 hesablı qələbəsi ilə yekunlaşıb. Oyunda “Neftçi”nin heyətində Daniel Seqovia, Namiq Ələsgərov, İqnasio Herrera Fernandes, rəqib komandadan isə Rauf Əliyev fərqləniblər.
On yeddi turdan sonra hesabında 39 xal olan “Qarabağ” klubu turnir cədvəlinin lideridir. “Qəbələ” 38 xalla ikinci, “İnter” 29 xalla üçüncü pillədə qərarlaşıblar. Sonrakı yerləri isə müvafiq olaraq “Sumqayıt” (22 xal), “Zirə” (21), “Kəpəz” (15), “Neftçi” (13) və AZAL (8) komandaları tutublar.
Bölmənin digər xəbərləri
