CƏMİYYƏT
Nəsimi rayonunda tədbir: Azərbaycan son 18 ildə
![](/files/galleryphoto/2021/3/1200x630/w_1616402570573870710689_1200x630.jpg)
![](/files/galleryphoto/2021/3/1200x630/w_1616402570575076317785_1200x630.jpg)
![](/files/galleryphoto/2021/3/1200x630/w_1616402570573148910222_1200x630.jpg)
![](/files/galleryphoto/2021/3/1200x630/w_161640257057266887096_1200x630.jpg)
![](/files/galleryphoto/2021/3/1200x630/w_1616402570576497677_1200x630.jpg)
![](/files/galleryphoto/2021/3/1200x630/w_1616402570572316928346_1200x630.jpg)
![](/files/galleryphoto/2021/3/1200x630/w_161640257057485849248_1200x630.jpg)
![](/files/galleryphoto/2021/3/1200x630/w_1616402570574690435358_1200x630.jpg)
![](/files/galleryphoto/2021/3/1200x630/w_1616402570571500257410_1200x630.jpg)
![](/files/galleryphoto/2021/3/1200x630/w_16164025705776656377_1200x630.jpg)
![](/files/galleryphoto/2021/3/1200x630/w_1616402570571076258052_1200x630.jpg)
![](/files/galleryphoto/2021/3/1200x630/w_1616402570572369351218_1200x630.jpg)
![](/files/galleryphoto/2021/3/1200x630/w_1616402570576406036995_1200x630.jpg)
![](/files/galleryphoto/2021/3/1200x630/w_1616402682783692231711_1200x630.jpg)
Bakı, 23 dekabr, AZƏRTAC
Dekabrın 23-də Nizami Kino Mərkəzində YAP Nəsimi rayon təşkilatı və Nəsimi Rayon İcra Hakimiyyətinin birgə təşkilatçılığı ilə “Azərbaycan 18 ildə” adlı tədbir keçirilib.
AZƏRTAC xəbər verir ki, tədbir ölkəmizin ərazi bütövlüyü uğrunda mübarizədə canlarından keçmiş şəhidlərin xatirəsinin bir dəqiqəlik sükutla anılması və Azərbaycan Respublikası Dövlət Himninin səsləndirilməsi ilə başlayıb.
Daha sonra Prezident İlham Əliyevin 18 illik fəaliyyətinə həsr edilən videoçarx nümayiş olunub.
Tədbiri giriş sözü ilə açan YAP Nəsimi rayon təşkilatının sədri Azər Süleymanov Azərbaycan Respublikasının Prezidenti, Yeni Azərbaycan Partiyasının Sədri İlham Əliyevin fəaliyyətindən danışıb, 2020-ci il noyabrın 10-da imzalanan Birgə Bəyanatla ölkəmizin ərazisinin 20 faizinin 30 illik işğalına son qoyulduğunu bildirib. A.Süleymanov deyib: “Əsrə bərabər 18 ilin zirvəsində təbii ki, işğal altındakı torpaqlarımızın azad olunması, ərazi bütövlüyümüzün bərpası və xalqımızın əyilən qəddini dikəldən Vətən müharibəsinin nəticələri dayanır. Prezident, Müzəffər Ali Baş Komandan İlham Əliyevin rəhbərliyi ilə qazanılan Qarabağ Zəfəri xalqımızın qəhrəmanlıq tarixinə qızıl hərflərlə yazıldı. Azərbaycan qalib ölkəyə, xalqımız qalib xalqa çevrildi. Bu Qələbə sayəsində regionda yeni reallıqlar yarandı”.
Nəsimi Rayon İcra Hakimiyyətinin başçısı Asif Əsgərov çıxışında Azərbaycanın sosial-siyasi həyatında qazanılan uğurları möhkəm əsaslar üzərində qurulan dayanıqlı, ardıcıl dövlət siyasəti ilə əlaqələndirib. Bildirib ki, memarı ümummilli lider Heydər Əliyev olan həmin siyasəti uğurla davam etdirən dövlətimizin başçısı titanik fəaliyyəti ilə dünyaya günəş kimi doğan Azərbaycan təqdim etdi. “Prezident İlham Əliyevin hakimiyyətdə olduğu 18 ilə nəzər salsaq, respublikamızın bütün sahələrdə, xüsusilə dövlət idarəçiliyində qazandığı uğurlar, sosial-iqtisadi nailiyyətlər göz qabağındadır. Gündəlik həyatlarında bu dinamik inkişafı hiss edən Azərbaycan vətəndaşlarının mövcud siyasi kursa inamı və etimadı gündən-günə möhkəmlənir. Xalqımız yeganə güvən yeri və sabahının təminatı kimi baxdığı bu siyasi kursu birmənalı şəkildə dəstəkləyir və alternativsiz seçim ünvanı kimi qəbul edir”, - deyə o vurğulayıb.
Dövlət İmtahan Mərkəzinin Direktorlar Şurasının sədri Məleykə Abbaszadə çıxışında prezidentliyinin ilk illərində dövlətimizin başçısının neft kapitalını insan kapitalına çevirməyin zəruriliyi barədə fikrini xatırlatdı. O, bu məqsədlərin artıq həyata keçdiyini deyən M.Abbaszadə reallığa çevrilən bu amilin insanların həyatında oynadığı rol barədə danışaraq deyib: “Prezident İlham Əliyev düşünülmüş islahatları və müdrik qərarları ilə həyatımıza yeni nəfəs gətirib, Azərbaycanı dünyanın inkişaf edən ölkələri sırasına çıxarıb. Azərbaycan Prezidentinin siyasətinin mərkəzində insan amili dayanır, amalı qurub-yaratmaq, xalqını daha xoş günə, daha firavan həyata qovuşdurmaqdır. Xalqa xidmət etmək, hər bir azərbaycanlının Prezidenti olmaq dövlətimizin başçısının həyat fəlsəfəsidir”.
Azərbaycan Dövlət Neft və Sənaye Universitetinin rektoru, professor Mustafa Babanlı son 18 ildə Prezident İlham Əliyevin ölkəmizdə təhsilin modernləşməsinə xidmət edən islahatlarından, elm və təhsilə ayrılan büdcə vəsaitlərinin ildən-ilə artırılmasından danışıb. Azərbaycanda tədrisə göstərilən diqqət sayəsində müasir çağırışlara cavab verən ali təhsil ocaqlarının nüfuz qazandığını deyən rektor bu nailiyyətlərin Prezident Əliyevin sosial sahədə yürütdüyü dövlət siyasətinin məntiqi nəticəsi olduğunu qeyd edib.
Nəsimi rayon Ağsaqqallar Şurasının sədri, tibb elmləri doktoru, professor Vaqif Şadlinski son 18 ildə Prezident İlham Əliyevin rəhbərliyi ilə səhiyyə sahəsində aparılan islahatların təkcə Azərbaycanda deyil, dünyada da yüksək qiymətləndirildiyini vurğulayıb, dövlətimizin başçısının insanların sağlamlığının qorunması istiqamətində fəaliyyətini qeyd edib.
Tədbirdə iştirak edən Vətən müharibəsi qaziləri adından söz alan Rüfət Salmanov Silahlı Qüvvələrin bütün şəxsi heyəti kimi, özünün və tərkibində döyüşdüyü bütün taborun hər məqamda Müzəffər Ali Baş Komandanın qayğısını hiss etməsindən, Qələbəyə gedən yoldan danışıb. diqqətə çatdırıb ki, Prezident, Müzəffər Ali Baş Komandan İlham Əliyevin rəhbərliyi ilə sentyabrın 27-də başlayan əks-həmlə əməliyyatı xalqımız üçün Vətən müharibəsinə çevrilib və rəşadətli Ordumuzun şanlı Qələbəsi ilə başa çatıb. Hərbi əməliyyatlar nəticəsində Azərbaycan Ordusu işğalçı Ermənistanın 30 il ərzində qurduğu “məğlubedilməz” ordunu və “keçilməz” istehkamları ildırım sürəti ilə darmadağın edərək böyük Zəfərə imza atıb”.
Vətən müharibəsi şəhidi Rauf Əliyevin atası Səxavət Əliyev çıxış edərək Qarabağda qazanılan Zəfərdən, bu yolda şəhid olan insanlarımıza ən yüksək səviyyədə göstərilən ehtiramdan və tayı-bərabəri olmayan tarixi Qələbənin qazanılmasının verdiyi qürurdan söhbət açıb. Şəhid atası bu qüruru xalqımıza yaşadan Prezident İlham Əliyevə minnətdarlığını bildirib.
Sonda Azərbaycan Respublikasının Prezidenti, Yeni Azərbaycan Partiyasının Sədri İlham Əliyevin fəaliyyətinin sosial mediada fəal təbliğinə görə bir qrup fəal partiya üzvü diplom və hədiyyələrlə mükafatlandırılıb.