NİGERİYALI HƏKİM QİÇS-Ə QARŞI VAKSİN HAZIRLAMIŞDIR
Ç.Abalaka bildirmişdir ki, o, həm XXI əsrin bu bəlasından qorunmaq üsulu, həm də artıq bu virusa yoluxmuş xəstələri sağaltmaq üçün terapevtik effektə malik vaksin ixtira etmişdir. Onun dediyinə görə, İÇV-yə yoluxduğu analizlərlə təsdiq edilmiş 20 nəfəri sağaltmağa müəffəq olmuşdur.
Ümumi cərrahiyyə sahəsində ixtisaslaşmış Abalaka immunologiya sahəsində də hazırlıq keçmişdir. Həkimin sözlərinə görə, o, yeni hazırladığı vaksini 4000 xəstə üzərində altı il ərzində yoxlamışdır.
Abalaka vaksinin profilaktik təsirini yoxlamaq üçün özünə peyvənd iynəsi vurmuş, sonra isə öz bədəninə altı dəfə İÇV virusuna yoluxmuş xəstələrin qanını yeritmişdir. Bundan sonra profilaktik vaksini QİÇS-ə yoluxmamış daha 300 nəfər üzərində təcrübədən keçirmiş və onlardan heç biri indiyədək xəstələnməmişdir.
