Nizami Kino Mərkəzinin repertuarında dəyişiklik edilib
Bakı, 11 dekabr, AZƏRTAC
Ümummilli lider Heydər Əliyevin anım günü ilə əlaqədar Nizami Kino Mərkəzinin repertuarına dəyişiklik edilib.
Kino Mərkəzindən AZƏRTAC-a bildirilib ki, dekabrın 12-də ümummilli lider Heydər Əliyevin anım günü ilə əlaqədar komediya janrında olan filmlərin nümayişi dayandırılacaq.
Mərkəzin repertuarına Mədəniyyət və Turizm Nazirliyinin sifarişi ilə “Səlnamə” kinostudiyasında rejissor Eldar Quliyevin çəkdiyi “Heydər Əliyev. Azərbaycan mədəniyyətinin hamisi” adlı qısametrajlı sənədli film daxil ediləcək.
Film seansları 12:30, 15:25 və 18:25-də keçiriləcək.
Seanslara giriş sərbəstdir.
Bölmənin digər xəbərləri
