OĞUZ TAXILÇILARI MƏHSUL İSTEHSALINI ARTIRMAĞI PLANLAŞDIRIRLAR
Oğuz Rayon İcra Hakimiyyətindən AZƏRTAC-a bildirmişlər ki, rayonun taxılçılıq təsərrüfatlarında 2009-cu ilin məhsulu üçün payızlıq taxıl səpini mütəşəkkil davam edir. Cari mövsümdə rayonda taxıl əkini sahələrinin 15 min hektara çatdırılacağı proqnozlaşdırılır.
İndiyədək 10 min 269 hektar sahə şumlanmışdır. Bu, ötən ilin eyni dövrü ilə müqayisədə 1.769 hektar çoxdur. Artıq 9 min hektara toxum səpilmişdir. Səpinə kifayət qədər texnika cəlb edilmişdir. Bundan əlavə, “Aqrolizinq” Səhmdar Cəmiyyəti tərəfindən fermerlərə səpin üçün 160 ton yüksək reproduksiyalı toxum, habelə 280 ton azot və fosfor gübrələri verilmişdir.
Xatırladaq ki, 2008-ci ildə rayonda taxıl istehsalı əvvəlki illə müqayisədə 47,9 faiz artaraq, 42,4 min tona çatmışdır. Oğuz taxılçıları gələn il məhsul istehsalını daha da artırmaq üçün səpini aqrotexniki tələblərə uyğun həyata keçirirlər.
Bölmənin digər xəbərləri
