Oktyabrda gündəlik xam neft hasilatı 585,9 min barel olub
Bakı, 17 noyabr, AZƏRTAC
Cari ilin oktyabrında Azərbaycanda gündəlik neft (kondensatla birlikdə) hasilatı 704,4 min barel olub.
Energetika Nazirliyindən AZƏRTAC-a bildirilib ki, bunun 585,9 min barelini xam neft, 118,5 min barelini isə kondensat təşkil edib.
Qeyd edək ki, “OPEC+” ölkələri nazirlərinin 20-ci iclasında qəbul edilmiş qərar oktyabr ayında Azərbaycanda gündəlik xam neft hasilatının 640 min barelə çatdırılmasını və ixtisarla bağlı öhdəliyin 78 min barel həcmində olmasını nəzərdə tuturdu.
Nazirlərin 21-ci iclasında qəbul edilmiş razılaşma çərçivəsində isə Azərbaycanın hasilatın azaldılması ilə bağlı öhdəliyi noyabrda gündəlik 71 min barel təşkil edir. Bu isə ölkəmizdə xam neftin ötən ayla müqayisədə noyabrda gündəlik olaraq 7 min barel çox, yəni 647 min barel istehsalına imkan yaradır.
Bölmənin digər xəbərləri
