On ayda ixrac və idxal olunan məhsullar açıqlanıb
Bakı, 10 dekabr, AZƏRTAC
Bu ilin on ayında ixrac və idxal olunan məhsullar açıqlanıb.
Dövlət Statistika Komitəsindən AZƏRTAC-a bildirilib ki, cari ilin yanvar-oktyabr aylarında əvvəlki ilin eyni dövrü ilə müqayisədə mühüm məhsul növlərindən təzə meyvə ixracı 21,4 faiz, kartof 12,9 faiz, şəkər 30,5 faiz, meyvə və tərəvəz şirələri 4,3 faiz, meyvə və tərəvəz konservləri 24,3 faiz, təbii üzüm şərabları və üzüm suslosu 0,6 faiz, pambıq lifi 44 faiz, polietilen 26,8 faiz, pambıq ipliyi 2,3 dəfə, qara metallardan yarımfabrikatlar 4,6 dəfə, qara metallardan borular 10 faiz, bentonit gili 1 faiz artıb, təzə tərəvəz ixracı isə 22,5 faiz, bitki yağları 15,4 faiz, tütün 13,6 faiz, çay 19,9 faiz, marqarin, qida üçün yararlı digər qarışıqlar 11,1 faiz, emal olunmamış alüminium 26,4 faiz azalıb.
Eyni zamanda, 2020-ci ilin yanvar-oktyabr ayları ilə müqayisədə bu ilin eyni dövründə xam şəkər idxalı 1,9 dəfə, çay 4,4 faiz, kartof 20,8 faiz, təzə tərəvəz 40 faiz, minik avtomobilləri 1,7 dəfə, hesablama maşınları, blok və qurğuları 8,4 faiz, yük avtomobilləri 1,7 dəfə, rezin şinlər 28,5 faiz, mebellər 31,6 faiz, paltaryuyan maşınlar 19 faiz, məişət kondisionerləri 0,4 faiz, avtobuslar 19,2 faiz, məişət soyuducuları 44,4 faiz artıb, buğda idxalı 22 faiz, bitki yağları 6,9 faiz, kərə yağı, digər süd yağları və pastaları 8,9 faiz, quş əti və onun əlavə məhsulları 0,3 faiz, mal əti 44,8 faiz, siqaretlər 32 faiz, dərman vasitələri 10,6 faiz, polad prokatı 37,6 faiz, qara metallardan borular 23,8 faiz, qara metallardan çubuqlar 67,9 faiz, mineral gübrələr 60,9 faiz, polietilen 27,7 faiz, qara metallardan künclüklər 24,1 faiz, sement və sement klinkerləri 15,1 faiz azalıb, təzə meyvə idxalı isə dəyişməz qalıb.
Bölmənin digər xəbərləri
