ORLİ HAVA LİMANINDA 27 KİLOQRAM TİRYƏK TUTULMUŞDUR
AZƏRTAC-ın müxbiri xəbər verir ki, Parisin ikinci böyük hava limanı olan Orlinin gömrük xidməti işçiləri sərnişinlərdən birinin yuklərini yoxlayarkən 27 kiloqram tiryək aşkar etmişlər.
Surinamdan Amsterdama uçan sərnişin bu qədər tiryəki 12 paketə yığıb əl-üz dəsmalına bükərək, çamadanın altında xüsusi düzəldilmiş yerdə gizlətmişdir.
Gömrük işçilərinin bildirdiyinə görə, bu qədər tiryəkin qara bazarda qiyməti bir milyon avroya bərabərdir.
35 yaşlı surinamlı sərnişin polis idarəsinə gətirilmiş və onun barəsində cinayət işi qaldırılmışdır.
Bölmənin digər xəbərləri
