Ötən ay Enerji Məsələlərini Tənzimləmə Agentliyinə olan vətəndaş müraciətlərinin sayı açıqlanıb
Bakı, 6 noyabr, AZƏRTAC
Cari ilin oktyabr ayı ərzində istehlakçıların hüquqlarının qorunması, abonentlərin elektrik və istilik enerjisi, təbii qazla təchizatı və digər məsələlərlə bağlı Enerji Məsələlərini Tənzimləmə Agentliyinə (AERA) bilavasitə və Energetika Nazirliyindən 682 müraciət daxil olub.
Agentlikdən AZƏRTAC-a bildirilib ki, elektrik enerjisi təchizatı ilə bağlı 66-sı məlumat xarakterli olmaqla 542 müraciət edilib.
Təbii qaz təchizatı ilə bağlı 6-sı məlumat xarakterli olmaqla 112 müraciət olunub.
İstilik təchizatı ilə bağlı 1-i məlumat üçün olmaqla cəmi 10 müraciət edilib. Digər məsələlərlə bağlı isə 18 müraciət göndərilib.
Müraciətlərdən 254-ü agentlik tərəfindən araşdırılıb və cavablandırılıb (8 müraciət müvafiq qaydada baxılması və tədbir görülməsi üçün aidiyyəti qurumlara göndərilib), 5 müraciət Energetika Nazirliyi ilə müştərək icra olunub, 350 müraciət hazırda baxılma prosesindədir.
Bölmənin digər xəbərləri
