Ötən il “Azəriqaz” abonentlərinin 43,5 faizi aşağı qaz istifadəsi limitini keçməyib
Bakı, 19 yanvar, AZƏRTAC
Ötən il “Azəriqaz” İB-nin əhali qrupu üzrə abonentlərin 43,5 faizi aşağı qaz istifadəsi limitini, yəni 1200 kubmetri keçməyib.
AZƏRTAC xəbər verir ki, bu sözləri “Azəriqaz” İB-nin Sayğacların tətbiqi, idarə olunması və nəzarəti şöbəsinin rəisi Rövşən Məhyəddinov deyib.
Şöbə rəisinin sözlərinə görə, hesabat dövründə 1200 kubmetrədək olan qaz istifadəsi limitini hesabat dövründə 41,5 faiz abonent keçib. Həmçinin ötən il ərzində cəmi 15 faiz abonent isə 2500 kubmetrdən artıq, yəni bir kubmetrə görə 25 qəpik olan tarifdən istifadə edib.
Xatırladaq ki, 2021-ci il oktyabrın 16-da Tarif Şurasının iclasında təbii qaz üzrə topdansatış və pərakəndə satış qiymətlərinin tarif tənzimlənməsinə dair qərar qəbul olunub. Qərara əsasən, əhalinin illik istehlakının 1200 kubmetrədək olan hissəsi üçün tariflər 10 qəpikdən 12 qəpiyə artırılıb. Əhali üçün 1200-2500 kubmetrədək və 2500 kubmetrdən çox olan hissələr üçün tariflər müvafiq olaraq 20 və 25 qəpik olmaqla dəyişməyib və əvvəlki həddə saxlanılıb. Qeyri-əhali kateqoriyasından sənaye və kənd təsərrüfatı üzrə qazın tarifləri 20 qəpikdən 22 qəpiyə artırılıb.
Bölmənin digər xəbərləri
