Ötən ilin on bir ayı ərzində Azərbaycanda 32 min 437 nikah qeydə alınıb
Bakı, 25 yanvar, AZƏRTAC
Ötən ilin yanvar-noyabr ayları ərzində ölkəmizdə 32 min 437 nikah və 13 min 439 boşanma halları qeydə alınıb. Əhalinin hər 1000 nəfərinə nikahların sayı 3,5, boşanmaların sayı isə 1,5 olub.
Bu barədə AZƏRTAC-a Dövlət Statistika Komitəsindən məlumat verilib.
Bununla yanaşı, ötən ilin 11 ayı ərzində Daxili İşlər Nazirliyi və Dövlət Miqrasiya Xidmətinin müvafiq qurumları tərəfindən Azərbaycana daimi yaşamaq üçün 1516 nəfər gələn və ölkədən 531 nəfər gedən qeydə alınıb. Ölkə üzrə miqrasiya saldosu müsbət 985 nəfər təşkil edib.
Bölmənin digər xəbərləri
