Özbəkistan vətəndaşı: Bu ədalətli mübarizədə Azərbaycan xalqının yanındayıq
Daşkənd, 31 oktyabr, АZƏRTAC
Azərbaycanın müasir tarixində çox mühüm olan bu dövrdə qardaş Azərbaycan xalqının yanında olduğumuzu bildirirəm. Mən, dostlarım və yaxınlarım Dağlıq Qarabağ və ətrafındakı 7 rayonun azadlığı uğrunda ədalətli mübarizə aparan Azərbaycan və onun xalqı üçün çox narahatıq.
Bu fikirlər Özbəkistan vətəndaşı Marat Tursunovun Azərbaycanın Özbəkistandakı səfiri Hüseyn Quliyevin adına yazdığı məktubda yer alıb.
Məktubda deyilir: “Azərbaycan Ordusunun qələbələrinə sevinirik. Biz müxtəlif KİV-lərdə Azərbaycanın ədalətli mübarizəsinə qara yaxan, işğalçı dövlət olan Ermənistana bəraət qazandıran şəxsləri qınayırıq. Müharibədə həlak olan şəhidlərin, həmçinin dinc sakinlərin ailələrinə başsağlığı verir, yaralılara şəfa diləyirəm. Arzu edirəm ki, Azərbaycan öz ərazi bütövlüyünü bərpa etsin. Qarabağ Azərbaycandır!”.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
