ÖZBƏKİSTANDA MƏDƏNİYYƏT VƏ İDMAN İŞLƏRİ NAZİRLİYİ YARADILIR
AZƏRTAC Özbəkistan Milli İnformasiya Agentliyinə istinadla xəbər verir ki, Prezident İslam Kərimov Mədəniyyət və İdman İşləri Nazirliyinin yaradılması haqqında Fərman imzalamışdır. Qurumun fəaliyyəti mədəniyyət və idman problemlərinin kompleks həllinə, fiziki cəhətdən sağlam, mənəvi cəhətdən zəngin və ahəngdar inkişaf etmiş insanların tərbiyə olunması üçün şərait yaradılmasına, habelə idarəçiliyin təkmilləşdirilməsinə, mədəniyyət və idman sahəsində dövlət siyasətinin həyata keçirilməsini əlaqələndirmə səviyyəsinin yüksəldilməsinə yönəldiləcəkdir.
Nazirlik respublika Mədəniyyət Nazirliyinin və Dövlət Bədən Tərbiyəsi və İdman Komitəsinin bazasında yaradılacaqdır.
Bölmənin digər xəbərləri
