Özbəkistanda qarışıq seçki sisteminə keçirlər
Bakı, 10 may, AZƏRTAC
Özbəkistanda parlamentin aşağı palatasının formalaşdırılmasının majoritar-proporsional sisteminə keçilir. Özbəkistan Prezidenti Şavkat Mirziyoyev tərəfindən imzalanan müvafiq fərman ölkənin Nazirlər Kabinetinin portalında dərc olunub.
AZƏRTAC Özbəkistan KİV-lərinə istinadla xəbər verir ki, müvafiq qanun layihəsi 1 ay ərzində hazırlanacaq.
Fərmanda qeyd edilir ki, Ali Məclisin (Oli Majlis) palatalarının və siyasi partiyaların təklifi belə olub.
Siyasi partiyaların rolunun artırılması məqsədilə qarışıq seçki sisteminə keçidi Prezident mart ayında deputatlarla görüşündə təklif edib. Bununla yanaşı, bu cür sistemdə mandatların bir hissəsi proporsional (partiya siyahıları üzrə), digər hissəsi isə majoritar (namizəd üçün səsvermə) sistem üzrə bölüşdürülür.
Özbəkistanda əvvəlki parlament seçkiləri majoritar sistem üzrə keçirilirdi, yəni öz seçki dairəsində seçicilərin əksəriyyətinin səsini qazanan namizədlər seçilmiş hesab olunurdular.
Bölmənin digər xəbərləri
