Pakistanda terror aktı nəticəsində dörd polis nəfəri həlak olub
Bakı, 12 fevral, AZƏRTAC
Pakistanın şimal-qərbində törədilmiş terror aktı nəticəsində dörd polis nəfəri həlak olub, daha üç qanun keşikçisi yaralanıb.
AZƏRTAC Pakistan KİV-lərinə istinadla xəbər verir ki, insidentin baş verdiyi Mahra qəsəbəsinin polis rəisi Vaqa Xan bildirib ki, polisin küçədə xidmət apardığı vaxt terrorçular qanun keşikçilərinin avtomobilinə atəş açıblar. Xəstəxanaya çatdırılan yaralı polislərdən ikisinin vəziyyətinin çox ağır olduğu, ölənləri sayının artacağı bildirilir.
Qəsəbənin yerləşdiyi Dera İsmayıl Xan rayonu Xeyber Paxtunxva əyalətində yerləşir. Bu ərazidə son illər onlarla terror aktı törədilib.
Bölmənin digər xəbərləri
