Pakistan MMU-nun nümayəndə heyəti ölkəmizə səfər edib
Bakı, 23 iyun, AZƏRTAC
Pakistan İslam Respublikası Milli Müdafiə Universitetinin (MMU) rəhbər heyəti və “Milli Təhlükəsizlik və Müharibə kursu-26”nın dinləyici və professor-müəllim heyəti ölkəmizə səfər edib.
Müdafiə Nazirliyindən AZƏRTAC-a verilən məlumata görə, əvvəlcə qonaqlar Şəhidlər xiyabanını ziyarət edərək ölkəmizin müstəqilliyi, ərazi bütövlüyü və suverenliyi uğrunda şəhid olmuş vətəndaşlarımızın məzarlarına gül dəstələri qoyub, ehtiram nümayiş etdiriblər.
Pakistanlı nümayəndə heyəti ilə görüşən Milli Müdafiə Universitetinin rektoru general-mayor Gündüz Əbdülov onları ölkəmizdə görməkdən məmnunluğunu ifadə edib.
Görüşdə Azərbaycanla Pakistan arasında əlaqələrin davamlı inkişaf etdiyi qeyd olunub, hərbi təhsil sahəsində əməkdaşlığın inkişaf perspektivləri, eləcə də qarşılıqlı maraq doğuran digər məsələlər müzakirə edilib.
Nümayəndə heyətinə “Hərbi təhsil və elm sahəsində həyata keçirilən islahatlar” mövzusunda brifinq təqdim olunub.
Sonda qarşılıqlı hədiyyələr təqdim edilib.
Bölmənin digər xəbərləri
