“PALMALI” ŞİRKƏTİNİN İNŞA ETDİRDİYİ “NAXÇIVAN” GƏMİSİ VOLQA-DON KANALINA BURAXILDI
AZƏRTAC xəbər verir ki, həmvətənlərimizin Türkiyədə yaratdığı “Palmalı” şirkətinin sifarişi ilə Rusiyanın Volqoqrad gəmiqayırma zavodunda inşa edilmiş “Naxçıvan” gəmisi təntənəli şəraitdə Volqa-Don kanalına buraxılmışdır. Müasir tələblərə cavab verən və 7 min ton yük götürən “Naxçıvan” ilin əvvəlindən bəri şirkətin istismara qəbul etdiyi “Heydər Əliyev”, “Palmalı-Voyçer”, “İlyas Əfəndiyev” gəmilərindən sonra inşa etdirdiyi 4-cü nəqliyyat vasitəsidir. Bunlardan əvvəl “Palmalı”nın “Çingiz Mustafayev”, “Həzi Aslanov”, “Azəri”, “Qarabağ” gəmiləri də dünya sularında müxtəlif təyinatlı yükləri daşımaqla məşğul olur, bir sıra dövlətlərin, şirkətlərin sifarişlərini vaxtında, təhlükəsiz yerinə yetirir.
Təntənəli mərasimdə çıxış edən şirkətin vitse-prezidenti Maarif Mənsurov demişdir ki, zavod “Palmalı” üçün daha 3 gəmi inşa edəcəkdir. Bunlardan birincisi ilin sonunadək istismara veriləcəkdir.
Bölmənin digər xəbərləri
