“Paris Sen-Jermen” UEFA Çempionlar Liqasının yarımfinal matçına ciddi itki ilə çıxacaq
Bakı, 17 avqust, AZƏRTAC
Fransanın “Paris Sen-Jermen” futbol klubunun zədəli qapıçısı Keylor Navasın durumuna aydınlıq gəlib.
AZƏRTAC klubun rəsmi saytına istinadla xəbər verir ki, 34 yaşlı kosta-rikalı qapıçının UEFA Çempionlar Liqasının yarımfinal mərhələsində “Leypsiq”lə oyunu buraxacağı dəqiqləşib.
“Atalanta” ilə dörddəbir final matçında ayağından zədələnərək məcburi əvəzlənən K.Navasın avqustun 20-dək sıraya dönə bilməyəcəyi məlum olub. Buna görə də baş məşqçi Tomas Tuhel yarımfinalda ikinci qapıçı Serxio Rikoya şans verməli olacaq.
Qeyd edək ki, avqustun 18-də Lissabonda keçiriləcək “Leypsiq” - “Paris Sen-Jermen” matçı Bakı vaxtı ilə 23:00-da başlayacaq.
Bölmənin digər xəbərləri
