PAVLODORDA DİL BAYRAMI KEÇİRİLMİŞDİR
AZƏRTAC-ın xüsusi müxbiri xəbər verir ki, Qazaxıstanın Pavlodor şəhərindəki Azərbaycan məktəbində dil bayramı keçirilmişdir. Bu münasibətlə təşkil olunan “Dil xalqın ürəyidir” adlı “dəyirmi masa”da dilçi alimlər, “Vətən” Azərbaycan mədəniyyət mərkəzinin sədri Cəfər Mahmudov və məktəbin müəllimi Elmira Zeynalova xalqlarımızın dil, ədəbiyyat və incəsənətinin oxşar cəhətlərindən danışmışlar.
Məktəblilər Nizami Gəncəvi, Nəsimi, M.Ə.Sabir və M.Ş.Vazehin şeirlərini Azərbaycan, qazax və rus dillərində söyləmiş, milli rəqslərimizi və xalq mahnılarımızı ifa etmişlər.
Bölmənin digər xəbərləri
