Paytaxt ərazisində məişət tullantılarının qalaqlanması hallarına qarşı birgə tədbirlər keçirilib
Bakı, 30 mart, AZƏRTAC
Daxili İşlər Nazirliyinin (DİN) Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə paytaxt ərazisində məişət tullantılarının qalaqlanması hallarının qarşısının alınması məqsədilə birgə tədbirlər keçirib.
Daxili İşlər, eləcə də Ekologiya və Təbii Sərvətlər nazirliklərinin mətbuat xidmətlərindən AZƏRTAC-a bildiriblər ki, keçirilmiş tədbirlər zamanı Qaradağ rayonunun Lökbatan qəsəbəsi ərazisində “Xəyal” kafesinin arxasında tullantıların qalaqlanmasına görə Bakı şəhər sakini R.Həsənov, Binəqədi rayonu ərazisində isə Bakı şəhər sakini F.Kərimov sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl etmədiklərinə görə barələrində İnzibati Xətalar Məcəlləsinin 271-ci maddəsi ilə protokollar tərtib olunub.
Bu istiqamətdə tədbirlər davam etdirilir.
Bölmənin digər xəbərləri
