Paytaxt sakininin avtomobilini qaçırmaqda şübhəli bilinən şəxslər tutulublar
Bakı, 22 fevral, AZƏRTAC
Bakı şəhər sakini H.Əmirova məxsus “Mercedes” markalı avtomobili qaçırmaqda şübhəli bilinən şəxslər saxlanılıblar.
Daxili İşlər Nazirliyinin mətbuat xidmətindən AZƏRTAC-a bildiriblər ki, Abşeron Rayon Polis İdarəsinə müraciət edən Bakı şəhər sakini H.Əmirov Xırdalan şəhəri ərazisindən “Mercedes” markalı avtomobilinin qaçırılması barədə məlumat verib.
Nəqliyyat vasitəsini qaçırmaqda şübhəli bilinən paytaxt sakinləri O.Vəliyev və əvvəllər məhkum olunan E.Əliyev polis əməkdaşlarının keçirdikləri əməliyyat-axtarış tədbirləri nəticəsində saxlanılıblar.
Faktla bağlı araşdırma aparılır.
Bölmənin digər xəbərləri
