Paytaxt sakininin idarə etdiyi avtomobildən 7 kiloqramdan çox narkotik vasitə aşkarlanıb
Bakı, 22 fevral, AZƏRTAC
Cəlilabad Rayon Polis Şöbəsinin və Dövlət Sərhəd Xidməti əməkdaşlarının daxil olmuş məlumat əsasında birgə keçirdikləri əməliyyat tədbirləri nəticəsində narkotiklərin qanunsuz dövriyyəsində şübhəli bilinən Bakı şəhər sakini V.Həsənzadə və onun idarə etdiyi “Toyota” markalı avtomobildəki sərnişini, əvvəllər məhkum olunan A.Rüstəmov Ocaqlı kəndi ərazisində saxlanılıblar.
Daxili İşlər Nazirliyinin mətbuat xidmətindən AZƏRTAC-a bildiriblər ki, avtomobilə baxış zamanı 6 kiloqram 395 qram heroin və 1 kiloqram 270 qram metamfetamin aşkarlanaraq götürülüb.
Faktla bağlı təhqiqat aparılır.
Bölmənin digər xəbərləri
