Paytaxt və rayonlar üzrə COVID-19-a yoluxma göstəriciləri açıqlanıb
Bakı, 19 avqust, AZƏRTAC
Azərbaycanda yeni növ koronavirus (COVID-19) infeksiyasına paytaxt və rayonlar üzrə yoluxma göstəriciləri açıqlanıb.
AZƏRTAC koronavirusinfo.az saytına istinadən xəbər verir ki, yoluxanların 54,8 faizi Bakı, 13 faizi Abşeron, 11,7 faizi Aran, 6,9 faizi Gəncə-Qazax, 3,9 faizi Şəki-Zaqatala, 3,1 faizi Quba-Xaçmaz, 2,5 faizi Lənkəran, 2,3 faizi Dağlıq Şirvan, 1,3 faizi Yuxarı Qarabağ, 0,08 faizi isə Naxçıvanın payına düşür. Ölkə xaricindən idxalolunma halı 0,5 faizdir.
Paytaxt üzrə COVID-19-a yoluxma halları daha çox Binəqədi (14,6 faiz), Xətai (13,5 faiz), Yasamal (12,1 faiz) rayonlarında müşahidə edilib. Bundan əlavə, yoluxanların 11,3 faizi Sabunçu, 8,3 faizi Suraxanı, 8,1 faizi Nərimanov, 7,8 faizi Nəsimi, 7,3 faizi Xəzər, 7,1 faizi Nizami, 5 faizi Səbail, 4,4 faizi Qaradağ, 0,5 faizi Pirallahı rayonlarında qeydə alınıb.
Bölmənin digər xəbərləri
