PEDAQOJİ TƏCRÜBƏNİ ÇADIR ŞƏHƏRCİKLƏRİNDƏ KEÇƏCƏKLƏR

11.10.2005 [13:36]
Çap et
A⁺ A^-

Bakı Slavyan Universitetinin mətbuat xidmətindən AZƏRTAC-a bildirmişlər ki, bu il pedaqoji və filologiya fakültələrinin dördüncü kurs tələbələri paytaxt məktəblərində başladıqları pedaqoji təcrübəni qaçqınların və məcburi köçkünlərin Biləsuvarda və Bərdədə yerləşən çadır şəhərciklərində davam etdirəcəklər. Tələbələrə təcrübəli metodistlər Nailə Səfərova, Elmira Quliyeva və Ellada Gərayzadə başçılıq edəcəklər.

BSU-nun yuxarı kurs tələbələri ötən ildən etibarən ilk dəfə pedaqoji və istehsalat təcrübəsini təkcə Bakının məktəb və müəssisələrində deyil, həm də Naxçıvanda və Gəncədə, habelə çadır şəhərciklərində keçməyə başlamışlar.

Tələbələr bu dəfə də xeyriyyə marafonu keçirməyi və çadır şəhərciklərindəki məktəblərə getməyi planlaşdırırlar.

BSU-nun rektoru professor Kamal Abdullayev təcrübəyə yola düşən tələbələrə xeyir-dua verərək bildirmişdir ki, təcrübə gələcək müəllimlərin peşəkarlığının artırılması ilə yanaşı, onlar üçün həm də həyat sınağı olacaqdır.

PEDAQOJİ TƏCRÜBƏNİ ÇADIR ŞƏHƏRCİKLƏRİNDƏ KEÇƏCƏKLƏR

MÜƏLLİFLƏ ƏLAQƏ

Bölmənin digər xəbərləri