Pentaqon Meksika ilə sərhədi möhkəmləndirmək üçün əlavə hərbçilər göndərəcək
Vaşinqton, 23 yanvar, AZƏRTAC
Pentaqon ABŞ-ın Meksika ilə sərhədində təhlükəsizliyin təminatına kömək etmək üçün yaxın günlərdə oraya 1500-ə yaxın hərbçi göndərəcək.
AZƏRTAC-ın məlumatına görə, heyət Prezident Donald Trampın vəzifəyə gəldikdən dərhal sonra immiqrasiyaya qarşı mübarizə aparmaq üçün verdiyi sərəncamların icrasına dəstək verəcək.
Müdafiə katibi vəzifəsini icra edən Robert Salessesin bu günlərdə müvafiq əmr imzalaması gözlənilir, lakin hansı növ qoşunların və ya bölmələrin gedəcəyi hələlik məlum deyil və ümumi say dəyişə bilər.
Hərbçilərin logistika, nəqliyyat və baryerlərin tikintisində sərhəd patrul agentlərinə dəstək göstərməsi nəzərdə tutulub.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
