PLANETDƏKİ PALÇIQ VULKANLARININ 45 FAİZİ AZƏRBAYCANDADIR
AZƏRTAC xəbər verir ki, Azərbaycanda 300-dən çox palçıq vulkanı var və bu, planetimizdəki palçıq vulkanlarının 45 faizini təşkil edir. Onların əksəriyyəti fəaldır. Son doqquz ayda qeydə alınan 6 püskürmənin tullantılarının tərkibində müəyyən miqdarda bor, litium, sezium və başqa elementlər müşahidə edilmişdir.
Milli Elmlər Akademiyasının Geologiya İnstitutu mütəxəssislərinin fikrincə, 2004-cü ilin sonunadək Qobustan rayonunda daha bir neçə vulkanın püskürəcəyi gözlənilir. Alimlərin araşdırmalarına görə, palçıq vulkanlarının fəallaşması seysmik hadisələrlə, zəlzələlərlə, eyni zamanda, texnogen amillərin təsirinin artması ilə əlaqədardır.
