POLŞA PREZİDENTİ MOSKVAYA SƏFƏRİNDƏN RAZI QALMIŞDIR
Prezident A.Kvasnevski İTAR-TASS-da keçirdiyi mətbuat konfransında danışıqların yekunlarından razı qaldığını bildirmişdir. O demişdir ki, danışıqlar zamanı beynəlxalq problemlər, o cümlədən İraqda, Rusiyada, Cənubi Qafqazda vəziyyət, habelə iki dövlət arasında qarşılıqlı iqtisadi əlaqələr müzakirə olunmuşdur. Polşa Prezidentinin sözlərinə görə, danışıqlarda terrorizmlə mübarizədə beynəlxalq səylərin birləşdirilməsi məsələsinə xüsusi diqqət yetirilmişdir. Görüşdə BMT Təhlükəsizlik Şurasında islahatlar aparılmasına dair Rusiyanın təşəbbüsü də nəzərdən keçirilmişdir.
Mətbuat konfransının sonunda Polşa Prezidentinin iştirakı ilə Rusiya Teleqraf Agentliyi İTAR-TASS və Polşa Mətbuat Agentliyi arasında “Polşa-Rusiya XX əsrdə” adlı ümumi fond yaradılması haqqında saziş imzalanmışdır. Fondda arxiv şəkilləri, materiallar və sənədlər saxlanacaqdır.
Bölmənin digər xəbərləri
