Bakı, 9 dekabr, AZƏRTAC

Doqquz ayda portfel investisiyaları üzrə xalis maliyyə aktivləri 388,2 milyon dollar artıb, xalis maliyyə öhdəlikləri isə 177,7 milyon dollar azalıb, nəticədə portfel investisiyaların axınları üzrə 565,9 milyon dollar mənfi saldo yaranıb.

AZƏRTAC Azərbaycan Mərkəzi Bankına istinadla xəbər verir ki, hesabat dövründə portfel investisiyaları üzrə aktivlər əsasən neft-qaz (9,9 milyon dollar), dövlət (157,7 milyon dollar), bank (112,5 milyon dollar) və özəl (108,1 milyon dollar) sektorların hesabına artıb. Öhdəliklər isə dövlət (179,4 milyon dollar) sektorunun hesabına azalıb və özəl (1,7 milyon dollar) sektorunun hesabına çoxalıb.