Premyer Liqanın oyunları “CBC TV”də Azərbaycan dilində şərh ediləcək
Bakı, 5 avqust, AZƏRTAC
Azərbaycan Futbol Federasiyaları Assosiasiyası ilə Peşəkar Futbol Liqasının Premyer Liqa oyunlarının televiziya vasitəsilə yayımına dair elan etdiyi tenderin qalibi “CBC TV” Azərbaycanın ilk rusdilli beynəlxalq peyk telekanalı olduğuna və xarici dillərdə yayımlandığına görə ilk aylar oyunların şərhini rus dilində həyata keçiriləcəyini açıqlamışdı. Oyunların Azərbaycan dilində şərhi isə AFFA-nın “Youtube” (AFFA Official ) kanalında nəzərdə tutulurdu.
“CBC” telekanalı oyunların yayımının müvəffəqiyyətlə həyata keçirəcəyi təqdirdə yaxın müddətdə özünün idman redaksiyası əsasında “CBC-Sport” kanalı açacağı və oyunların yayım hüququnu həmin kanala ötürəcəyi və matçların şərhlərinin isə Azərbaycan dilində olacağı bildirilmişdi.
AFFA-dan AZƏRTAC-a bildiriblər ki, Assosiasiya, PFL və CBC TV rəhbərliyinin müzakirəsindən sonra oyunların keçid dövründə “CBC TV”də Azərbaycan dilində yayımlanması qərara alınıb.
Bölmənin digər xəbərləri
