PUL KÖÇÜRMƏLƏRİ SAHƏSİNDƏ BEYNƏLXALQ LAYİHƏ HƏYATA KEÇİRİLİR

11.10.2005 [23:22]
Çap et
A⁺ A^-

AZƏRTAC xəbər verir ki, oktyabrın 11-də Britaniyanın “Travelex group” şirkətinin “Azərpoçt” Dövlət müəssisəsi ilə birlikdə pul köçürmələri sahəsində gerçəkləşdirdiyi yeni layihəyə həsr olunmuş mətbuat konfransı keçirilmişdir. Qeyri-bank müəssisələri arasında dünya maliyyə xidmətləri bazarında ən iri operator olan “Travelex” Azərbaycanda “Bank of Baku”, “Bank Respublika”, KİB, “NİKoyl” və “Azərbaycan Mikromaliyyələşdirmə Bankı” kimi iri banklarla beynəlxalq pul köçürmələri sahəsində iş təcrübəsinə malikdir.

Şirkətin Qərbi Avropa, Skandinaviya ölkələri, İraq və İsrail üzrə direktoru Emil əl-Şəbib tədbiri açaraq bildirmişdir ki, “Azərpoçt” Dövlət müəssisəsi ilə əməkdaşlıq ölkə əhalisinə zəruri xidmətlər göstərilməsinə yönəldilmiş perspektivli və qarşılıqlı surətdə faydalı əməkdaşlıqdır.

Şirkətin Şərqi Avropa ölkələri üzrə regional meneceri Lev Samsonovun fikrincə, layihənin təhlükəsizliyi ilə bağlı həyata keçirilən tədbirlər onu Azərbaycan maliyyə bazarının liderinə çevirəcəkdir.

Hazırda Travelex sistemi 100 ölkədə tətbiq olunur. “Travelex”in 2003-cü ildən həyata keçirdiyi pul köçürmələri xidmətindən MDB ölkələrinin iri maliyyə təsisatları – poçt idarələri, əmanət və ən iri kommersiya bankları istifadə edir.

PUL KÖÇÜRMƏLƏRİ SAHƏSİNDƏ BEYNƏLXALQ LAYİHƏ HƏYATA KEÇİRİLİR

MÜƏLLİFLƏ ƏLAQƏ