Qabriel Attal Fransanın yeni baş naziri olub
Bakı, 9 yanvar, AZƏRTAC
Qabriel Attal Fransanın yeni baş naziri təyin edilib.
AZƏRTAC xəbər verir ki, bu barədə BFMTV kanalı məlumat yayıb.
Telekanalın məlumatına görə, müvafiq qərarı Fransa prezidenti Emmanuel Makron verib. Dövlət başçısı 2022-ci ilin mayından baş nazir vəzifəsində çalışan Elizabet Bornu dünən vəzifəsindən azad etmişdi.
Otuz dörd yaşlı Attal indiyə qədər təhsil naziri idi. O, Fransa tarixində ən gənc baş nazir olub. Beləliklə, Qabriel Attal 1984-cü ildə 37 yaşında Nazirlər Kabinetinin rəhbəri vəzifəsinə təsdiq edilən Loran Fabiusu qabaqlayıb.
Bölmənin digər xəbərləri
