QADIN ŞAHMATÇILARIN RESPUBLİKA ÇEMPİONATINDA İLK TURUN NƏTİCƏLƏRİ MƏLUM OLMUŞDUR
Bakı, 8 yanvar, (AZƏRTAC). Şahmat Federasiyasında keçirilən qadın şahmatçılar arasında Azərbaycan çempionatında ilk turun oyunları olmuşdur.
Birinci turda aşağıdakı nəticələr qeydə alınmışdır: Aytən Ağayeva-Nərgiz Umudova 1:0, Gülnar Məmmədova-Türkan Məmmədyarova 0,5:0,5, Nərmin Xələfova-Nərmin Kazımova 0:1, Xəyalə İsgəndərova-Səbinə İbrahimova 1:0, Fidan Ağasıyeva-Zeynəb Məmmədyarova 0:1, Xəyalə Abdulla-Türkan Həsənova 0:1, Dilarə Ağayeva-Günay Məmmədzadə 0:1.
Şahmat Federasiyasından bildirmişlər ki, dairəvi sistem üzrə keçirilən yarış 13 turdan ibarətdir. Çempionatın ümumi mükafat fondu 5000 manatdır.
Turnirdə ilk iki yeri tutacaq şahmatçı şəxsi Avropa çempionatına vəsiqə əldə edəcəkdir.
Çempionat yanvarın 20-də başa çatacaqdır.
Bölmənin digər xəbərləri
