QAFQAZ MÜSƏLMANLARI İDARƏSİNİN SƏDRİ TBİLİSİDƏ MÜSƏLMANLARLA GÖRÜŞMÜŞDÜR
Qafqaz Müsəlmanları İdarəsinin Gürcüstandakı nümayəndəsi, Tbilisi Cümə məscidinin axundu Məşədi Əli Qurani-Kərimdən surə oxumuş və bildirmişdir ki, Gürcüstanda 15 məscid, 3 mədrəsə, 5 dini mədəni mərkəz açılmışdır. O, bu işdə kömək edən şeyxülislama, habelə tolerantlıq göstərən Gürcüstan rəhbərliyinə və ictimaiyyətinə minnətdarlıq etmişdir.
Hacı Allahşükür Paşazadə başçılıq etdiyi idarənin fəaliyyətindən danışdı, Tbilisi Cümə məscidinin fəaliyyətini müsbət qiymətləndirmişdir. O demişdir ki, Gürcüstana səfərim barədə Prezident İlham Əliyevə məlumat verdim. Prezident mənə gürcüstanlı müsəlmanlarına köməyi əsirgəməməyi tövsiyə etdi. Ümummilli liderimiz Heydər Əliyevin müyyən etdiyi yolun ən düzgün yol olduğunun təsdiqə ehtiyacı yoxdur və onun layiqli yetirməsi Prezident İlham Əliyev bu yolu uğurla davam etdirir.
Nümayəndə heyətinin üzvü, Azərbaycan MEA-nın müxbir üzvü Vasim Məmmədəliyev Tbilisi ədəbi-dini mühitinin tarixindən söhbət açmışdır.
Gürcüstan energetika nazirinin müavini İsaq Novruzov, professor Valeh Hacıyev, Gürcüstan parlamentinin deputatı Adil Cəfərov, Tbilisi şəhər məclisinin üzvü Nadir Əhmədov və başqaları müstəgillik illərində Gürcüstanda müsəlman dininə sitayiş edənlər üçün yaradılan şəraitdən, dini dözümlülük ab-havasından razı qaldıqlarını söyləmişlər.
