“Qarabağ” – “Bayer” oyunu ilə əlaqədar Bakı metrosunun iş rejimində dəyişiklik edilib
Bakı, 6 noyabr, AZƏRTAC
“Qarabağ” UEFA Avropa Liqasının qrup mərhələsinin IV turunda Almaniyanın “Bayer” klubu ilə oyunun gec saatlarda başlaması ilə əlaqədar “Bakı Metropoliteni” QSC-yə metropolitenin iş rejimində dəyişiklik edilməsi barədə müraciət ünvanlayıb.
Klubdan AZƏRTAC-a verilən məlumata görə, Ağdam təmsilçisinin müraciəti və bu qarşılaşmaya Azərbaycanda marağın böyük olması nəzərə alınaraq, Tofiq Bəhramov adına Respublika Stadionunda keçiriləcək görüşü canlı izləyən azarkeşlərin daşınması məqsədilə metropolitenin iş rejimində müvafiq dəyişiklik edilib.
Bakı metropoliteni noyabrın 9-dan 10-na keçən gecə saat 01:00-a qədər sərnişinlərin girişinə açıq olacaq.
Qeyd edək ki, noyabrın 9-da Tofiq Bəhramov adına Respublika Stadionunda keçiriləcək “Qarabağ” - “Bayer” oyunu saat 21:45-də başlayacaq.
Bölmənin digər xəbərləri
