Qaradağ rayon sakinindən iki kiloqrama yaxın narkotik maddə və elektron tərəzi götürülüb
Bakı, 27 avqust, AZƏRTAC
Daxili işlər orqanlarının əməkdaşları narkotik vasitələrin qanunsuz dövriyyəsinə qarşı mübarizə tədbirlərini qətiyyətlə davam etdirirlər.
Daxili İşlər Nazirliyinin mətbuat xidmətindən AZƏRTAC-a bildiriblər ki, Qaradağ rayonunda yaşayan Ə.Hüseynov Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində saxlanılıb. Axtarış zamanı ondan 7 qrama yaxın heroin aşkarlanıb. Davam etdirilən tədbirlərlə onun yaşadığı evə baxış keçirilib. Evdən əlavə olaraq 1 kiloqramdan çox heroin, 603 qramdan artıq metamfetamin, 236 qramdan çox marixuana və 4 elektron tərəzi aşkarlanaraq götürülüb.
Faktla bağlı araşdırmalar davam etdirilir.
Bölmənin digər xəbərləri
