RƏSMİ XRONİKA
QARŞILIQLI ADDIMLAR ATILMALIDIR
Vaxtilə keçmiş İttifaqın tərkibində sıx əməkdaşlıq etmiş respublikalarımız müstəqil dövlət olduqları indiki dövrdə bütün sahələrdə əlaqələri canlandırmalı və inkişaf etdirməlidirlər. Azərbaycan Respublikasının prezidenti Heydər Əliyev bu fikri Latviya Respublikasının Baş naziri Mayeris Qaylisi qəbul edərkən söylədi.
Söhbət zamanı bir sıra konkret sahələrdə əməkdaşlıq qurulması imkanları nəzərdən keçirildi və bunun üçün dövlətlərarası müqavilələr imzalanmasının vacibliyi xüsusi vurğulandı.
X X X
Azərbaycan Prezidenti Heydər Əliyev Asiya Bankının prezidenti Mitsua Satonu qəbul edərkən respublikamızın bu bank ilə əlaqələr qurmasına böyük ehtiyacı olduğu qeyd edildi və bunun üçün hər iki tərəfin qarşılıqlı addımlar atmasının vacibliyi bildirildi. Görüş zamanı bir sıra mühüm məsələlər barədə konkret razılıqlar əldə olundu.