QAX RAYONU ƏRAZİSİNDƏ “AFRİKA TAUNU” XƏSTƏLİYİNƏ YOLUXMA HALLARI QEYDƏ ALINMAMIŞDIR
Qax Rayon Baytarlıq İdarəsindən AZƏRTAC-a bildirmişlər ki, rayonun Qaxingiloy, Əlibəyli, Alatəmir və digər yaşayış məntəqələrində vətəndaşlara məxsus fərdi təsərrüfatlarda 3450-yə yaxın donuz bəslənilir.
Qəbələ rayonunun Nic kəndində donuzlar arasında “Afrika taunu” xəstəliyi aşkar edildikdən sonra idarənin mütəxəssisləri Qax rayonunun fərdi təsərrüfatlarında mövcud vəziyyətlə yaxından tanış olmaq məqsədi ilə yerlərdə olmuş, sakinlərlə söhbət aparmış, xəstəliyin əlamətləri və fəsadları barədə onları maarifləndirmişlər. Aparılan müşahidələr nəticəsində məlum olmuşdur ki, indiyədək Qax rayonu ərazisində donuzlar arasında “Afrika taunu” xəstəliyinə yoluxma halları qeydə alınmamışdır.
Bölmənin digər xəbərləri
