Qaxda iki avtomobil toqquşub, xəsarət alanlar var
Qax, 1 dekabr, AZƏRTAC
Qax şəhərinə giriş hissədə, dairəvi meydanda yol-nəqliyyat hadisəsi baş verib.
AZƏRTAC xəbər verir ki, iki minik avtomobilinin toqquşması nəticəsində sürücülər xəsarət alıb.
DİN-in mətbuat xidmətinin Şəki regional qrupundan verilən məlumata görə qəzanın baş verməsinə səbəb sürücülərdən birinin yol-hərəkət qaydalarına və nişanlara məhəl qoymaması nəticəsində baş verib.
Qəzada yaralanan şəxslər hadisə şahidlərinin köməyi ilə Qax Rayon Mərkəzi Xəstəxanasına aparılıb.
Hər iki sürücü müayinədən keçib, müalicələr təyin olunub. Onların müalicələri xəstəxananın Reanimasiya şöbəsində davam etdirilir.
Faktla bağlı araşdırma başlanılıb, təhqiqat aparılır.
Bölmənin digər xəbərləri
