Qazaxıstan “açıq səma” rejimini təkmilləşdirir
Bakı, 2 dekabr, AZƏRTAC
Qazaxıstanda hava daşımaları bazarının cəlbediciliyini artırmaq məqsədilə “açıq səma” rejimi təkmilləşdirilir.
AZƏRTAC Kazinform agentliyinə istinadla xəbər verir ki, Qazaxıstan Nəqliyyat Nazirliyinin “açıq səma” rejimi barədə əmrinə dəyişiklik olunub. Dəyişikliyə əsasən, xarici aviakompaniyalar Qazaxıstanın böyük şəhərlərinə məhdudiyyətsiz uçuşlar həyata keçirmək hüququ əldə edib.
“Rəqabətin inkişafına yönələn bu addım gələcəkdə aviabiletlərin qiymətinin ucuzlaşmasına, xidmətin yaxşılaşmasına və uçuşların coğrafiyasının genişlənməsinə töhfə verəcək”, - deyə nazirliyin mətbuat xidmətindən bildirilib.
Qeyd edək ki, “açıq səma” rejimi Qazaxıstanın Astana, Almatı, Aktau, Aktobe, Karaqandı, Kokşetau, Pavlodar, Petropavlovsk, Semey, Taraz, Türküstan, Ust-Kamenoqorsk və Çimkənd hava limanlarında fəaliyyət göstərəcək.
Bölmənin digər xəbərləri
