QAZAXISTAN PARLAMENTİ “QAZSAT” PEYKİ YARADILMASI HAQQINDA RUSİYA İLƏ SAZİŞİ RATİFİKASİYA ETMİŞDİR
AZƏRTAC xəbər verir ki, oktyabrın 12-də Qazaxıstan parlamenti Senatının deputatları “Qazaxıstan hökuməti ilə Rusiya hökuməti arasında Qazaxıstanın “QazSat” rabitə və yayım peykinin yaradılmasında əməkdaşlıq haqqında sazişin ratifikasiyası barədə” qanunu bəyənmişlər. Təhsil və elm naziri Bırqanım Aytimova deputatlara bildirmişdir ki, layihənin ümumi dəyəri 65 milyon dollardır. Peyki dekabrda buraxmaq planlaşdırılır.
Qazaxıstan xarici peyklərin icarəsinə hər il təxminən 28 milyon dollar ödəyir. Ölkənin öz peykinin buraxılması ona informasiya müstəqilliyini təmin etməyə və vahid informasiya məkanı formalaşdırmağa imkan verəcəkdir.
Qanun layihəsi imzalanmaq üçün Prezident Nursultan Nazarbayevə təqdim edilmişdir.
Bölmənin digər xəbərləri
