QAZAXISTANDA BEYNƏLXALQ NEFTQAZ SƏRGİSİ VƏ KONFRANSI KEÇIRILƏCƏK
AZƏRTAC-ın xüsusi müxbiri xəbər verir ki, oktyabrın 7-dən 10-dək Qazaxıstanın Almatı şəhərində 16-cı Beynəlxalq neftqaz sərgisi və konfransı keçiriləcəkdir.
Tədbirlərdə Azərbaycan, Almaniya, ABŞ, İtaliya, Kanada, Çin, Norveç, İran, Türkiyə, Fransa, Polşa, Böyük Britaniya və digər ölkələrin tanınmış neftqaz şirkətlərindən 500-dən artıq nümayəndə iştirak edəcəkdir.
Konfransda dünyanın 40-dan artıq neftqaz şirkətlərinin rəhbərlərinin çıxışı gözlənilir.
Bundan başqa, tədbirdə Qazaxıstan neft və qazının nəqli, dünya neft bazarında Qazaxıstanın rolu, ölkənin neft infrastrukturu, sərmayə imkanlarının yaradılması və digər məsələlər müzakirə olunacaqdır.
Bölmənin digər xəbərləri
