QAZAXISTANDA PREZİDENTLİYƏ 5 NAMİZƏD QEYDƏ ALINMIŞDIR

24.10.2005 [13:45]
Çap et
A⁺ A^-

AZƏRTAC İTAR-TASS-a istinadla xəbər verir ki, Qazaxıstan Mərkəzi Seçki Komissiyası Məclisin (parlamentin aşağı palatası) deputatı Yerasıl Abılqasımovun və “Ak jol” (“İşıqlı yol”) Demokrat Partiyasının sədri Əlixan Baymenovun ölkə prezidentliyinə namizədliyini qeydə almışdır. Beləliklə, Qazaxıstanda beş nəfər dövlət başçısı vəzifəsinə namizəd kimi rəsmən qeydiyyatdan keçmişdir.

Bundan əvvəl MSK hazırkı Prezident Nursultan Nazarbayevi, “Ədalətli Qazaxıstan uğrunda” müxalif blokun lideri Jarmaxan Tuyakbayı və Qazaxıstan assosiasiyaları və müəssisələrinin “Təbiət” Ekologiya Birliyinin sədri Mels Yeleusizovu prezidentliyə namizəd kimi qeydə almışdır.

Prezidentliyə namizəd kimi qeydə alınmaq üçün sənədlər verilməsinə ayrılan müddətdə MSK-ya 18 nəfər ərizə təqdim etmişdir. Onların beşi dövlət dili olan – qazax dilində sərbəst danışmaq imtahanından “kəsilmiş”, iki nəfər ərizəsini geri götürmüşdür.

Prezident seçkiləri dekabrın 4-nə təyin edilmişdir.

QAZAXISTANDA PREZİDENTLİYƏ 5 NAMİZƏD QEYDƏ ALINMIŞDIR

MÜƏLLİFLƏ ƏLAQƏ

Bölmənin digər xəbərləri