Qazaxıstanda teleproqramların yerli dildə yayımı 60 faizə çatdırılacaq
Astana, 20 iyun, AZƏRTAC
Qazaxıstan Prezidenti Kasım-Jomart Tokayev media haqqında qanunu imzalayıb.
AZƏRTAC xəbər verir ki, bu barədə Qazaxıstan Prezidentinin mətbuat xidməti məlumat yayıb.
Qanun dövlət (qazax) dilində televiziya və radio proqramlarının həcminin hazırkı 50 faizdən 2027-ci ilədək 60 faizə qədər artırılmasını nəzərdə tutur.
Xüsusilə 2025-ci ildən etibarən televiziya və radio proqramlarının dövlət dilində və yerli kontentdə yayılma həcminin 55 faizə, 2027-ci ildən isə 60 faizə çatdırılması nəzərdə tutulur.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
