QAZAXISTANIN 2015-Cİ İLƏDƏK İNKİŞAF STRATEGİYASI HAZIRLANMIŞDIR
Son illər Qazaxıstanda müxtəlif sahələrdə həyata keçirilmiş islahatlar nəticəsində böyük uğurlar əldə edildiyini diqqətə çatdıran səfir, ötən il ümumi daxili məhsulun (ÜDM) həcminin 56,5 milyard ABŞ dollarına çatdığını və bunun əvvəlki ildəkindən 9,4 faiz çox olduğunu bildirmişdir. Sərmayələrin həcmi 16,7 milyard dollar, sənaye məhsullarının istehsalı 40 milyard dollar olmuş, ölkənin valyuta ehtiyatlarının məbləği 15 milyard dollara çatmışdır.
Ötən il Qazaxıstanda 61,4 milyon ton neft hasil edilmiş, orta aylıq əmək haqqı 254 dollar olmuşdur.
Səfir bildirmişdir ki, Prezident Nursultan Nazarbayev hər il Qazaxıstan xalqına müraciət edir. Budəfəki müraciətdə ölkənin 2015-ci ilədək inkişaf strategiyası açıqlanmışdır. Sənədə əsasən, Qazaxıstanın növbəti on ildə dünyanın ən çox inkişaf etmiş 50 ölkəsi sırasına daxil olması qarşıya məqsəd qoyulmuşdur. Bunun üçün 7 prioritet müəyyənləşdirilmiş, konkret vəzifələr irəli sürülmüşdür.
Qazaxıstan neftinin Bakı-Tbilisi-Ceyhan əsas ixrac boru kəməri ilə dünya bazarına çatdırılması məsələsinə toxunan diplomat artıq bu istiqamətdə razılaşma əldə olunduğunu, hazırda texniki məsələlərin müzakirə edildiyini bildirmişdir.
Bölmənin digər xəbərləri
