Qazaxıstanın “Kazinform” beynəlxalq informasiya agentliyinin rəhbəri yeni vəzifəyə təyin olunub
Nur-Sultan, 19 avqust, AZƏRTAC
Qazaxıstanın “Kazinform” beynəlxalq informasiya agentliyinin İdarə Heyətinin sədri Askar Umarov informasiya və sosial inkişaf nazirinin müavini vəzifəsinə təyin edilib.
AZƏRTAC xəbər verir ki, Qazaxıstan Hökuməti bu gün bununla bağlı fərman imzalayıb.
Askar Umarov 1998-ci ildən jurnalistika sahəsində fəaliyyət göstərir. 2017-ci ildən Qazaxıstanın “Kazinform”un rəhbəri vəzifəsində çalışıb.
Qeyd edək ki, 2009-cu ildə AZƏRTAC və “Kazinform” arasında informasiya mübadiləsi barədə saziş imzalanıb. Hər iki aparıcı xəbər agentliyi tərəfdaşlıq əlaqələrini yeni səviyyəyə qaldırmaq və daha da dərinləşdirmək niyyətindədir.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
