Qərbi Afrikada səkkiz məscid UNESCO-nun dünya irsi obyektləri hesab edilib
Madrid, 15 noyabr, AZƏRTAC
Kot-d’İvuarın (Qərbi Afrika) şimalındakı yeddi şəhərdə - Tinqrela, Kuto, Sorobanqo, Samatiqila, M’Benqe, Kauara və Konq şəhərlərində gildən Sudan üslubunda tikilmiş səkkiz məscid UNESCO-nun dünya irsi obyektləri hesab edilib.
AZƏRTAC xəbər verir ki, Böyük Səhradan cənubda yerləşən Afrika ölkələrində UNESCO-nun dünya irsi obyektləri hesab edilmiş obyektlər dünyanın digər regionları ilə müqayisədə cüzi saydadır. Bu il iyul ayında UNESCO-nun virtual rejimdə keçirilmiş 44-cü sessiyasında 36 yeni obyektin UNESCO-nun dünya irsi obyektləri hesab edilməsinə razılıq verilib. Onlardan yalnız ikisi Afrikada yerləşir: məscidlər və Qabondakı İvindo Milli Parkı.
Dünya irsi obyektləri elan edilmiş 20 məsciddən səkkizi yaxşı vəziyyətdədir. XX əsrin əvvəlində yüzlərlə belə məscid vardı, lakin indi onların əksəriyyətinin izi belə qalmayıb.
Nigar Cəfərli
AZƏRTAC-ın xüsusi müxbiri
Madrid
Bölmənin digər xəbərləri
